علي الابراهيمي
((اجاني وحايلات الشوك چفتين))
((لزمته وجف احس بي ورد چف تين))
بياهي استغنتك هاماي چفتين
اعله راسي وعوسجت شيباتي اليه
.
وهج الغضا
((اجاني وحايلات الشوك چفتين))
((لزمته وجف احس بي ورد چف تين))
الة جفتة وعساها تكون جفتين
لحد ماتخضر الصوفرهه بية
.
ركزان الشباني
(( اجاني وحايلات الشوك جفتين ))
((لزمته وجف احس بي ورد جف تين))
تناهيده ودفو الجلمات جفتن
علية وسرسحن ونات بية
.
الشاعر رائد الشمري
((اجاني وحايلات الشوك چفتين))
((لزمته وجف احس بي ورد چف تين))
بدل چفه صگعني الدهر چفتين
وصفگ بالحايط يدگ حيل بيه
.
كريم الشاعر
(( اجاني وحايلات الشوگ چفتين))
((لزمته وچف احس بي ورد چفتين))
چفي ارتاح
يرجف لحظة البي لاح
لحته بشوگ
چه معشوگ
شفته احتار
مدري شصار
شاورته ارد افك الريج
حل الزيج
دار العين
مدري الوين
يعتب ليش مانشديت
حلفني وعلي رديت
والعباس گتله العاف چفتين
الهوى بطاريك يشهگ گام بيه
.
غسان ابو ذيبه الشمري
(( اجاني اوحايلات الشوك ...جفتين ))
((لزمته وجف احس بي ورد ..جف تين ))
تعال اوعاين الحالي. ..جفتين
صفيت اوتنفخ الشمات بيه
.
غفار ابو العز
(( اجاني وحايلات الشوگ جفتين ))
((لزمته وجف احس بي ورده جف تين ))
عليه وجن سنين الضيم جفتين
بروحي اتخوصرن لجمات بيه
.
رياض الشطري
((اجاني وحايلات الشوك جفتين))
((لزمتة وجف أحس بي ورد جفتين))
همت ومسهدات الجفن. جفتين
رخني ونعس النعناع بية"
.
رياض الشطري
((اجاني وحايلات الشوك جفتين))
((لزمتة وجف أحس بي ورد جفتين))
مشه ومكدرات البال جفتين
"ك ثورة وثار للمختار بية
.
Vian Albaghdady
(( اجاني وحايلات الشوك جفتين))
((لزمتة وجف أحس بي ورد جفتين))
حرت وتبريدت مابين جفتين
الچفه ال إلي صارت موش اليه
.
عبد الكريم الفياض المحمداوي
(( اجاني وحايلات الشوك جفتين))
((لزمته وجف احس بيه ورد جف تين))
حلاها جفة الميزان جفتين
ورد والتين كلهن بين اديه
.
ابو السووم
(( اجاني وحايلات الشوك چفتين))
((لزمته وجف احس بي ورد چف تين))
بدگ بينه العريضي وصار چفتين .. كالفتان
لحد ما وج حبل گرباك اليه
.
نصير الجنابي .
((اجاني وحايلات الشوگ چفتين))
((لزمته وچف احس بي ورد چف تين))
عليه مفرعات الزيج چفتين
نثايه الحور وانه بطرگ اديه
.
فاضل الميالي
((اجاني وحايلات الشوك ... جفتين ))
((لزمته وجف احس بي ورد ... جف تين ))
تساون بيه جن ميزان ... جفتين
غرامك جفة جفة الشووك بيه
