مساجله الچنه

انه خلافچ حايط طين.. يماي..
ولاواحد چهبني اوصل.. يماي..
عمت عيني خذاچ الموت.. يماي.
وخله شوفتچ تصعب عليه.
........صفاء ابو الطيب
.
 نار التحرك التنور چنه
ناكل من رغيف الخير چنه
اذا العمه رضت وياها چنه
كول ابليس اسلم هاي هيه
..........الشاعر موسى الموسوي
.
الوكت مو زين يا هلناس .. چنة
لأن ماكو نشد مو كبل .. چنة
احاجي البت وانة أقصد بيه . جنة
وولا جن عدهة حس وترد لية
..........ميوح السلماوي
.
 يتيم انه ويوكت وصار چناي
القهر بلبيت گلي شلون چناي
ومحمد من ونيني صرت چناي
الهوه اليدخل يصوفر طور بيه
...........الشاعر مخلد فاضل الحمداني
.
 كلبي سهام المصايب شجنه
وتسرهد ما يجن أبدا شجنه
إبتليت بجنه بس لاجن شجنه
سفيهة راي ما بيها رجية
..............محمد النصراوي
.
 الف احا كتم جوفي..بلحروف..
أولساني الباشط تعثر..بلحروف..
العيوزي الحار وأنه الگط..بلحروف..
يتيمه ولعيال أحفاد اميه..
.........حسن ابو الحديد
.
 يصاحبتي متى تصيرين جنه ...
ابيتي واحجي لهلي شلون جنه...
يصاحبتي العمر بجفاك جنه ...
تتن والميهله يذرون بيه.
..............أحمد الغزي
.
يهيبه وبيك عالي الزود چنات
بجفاك البوم بس بدار چنات
يعيرني بودادك صفن چنات
ولدك .. والوسيعه تضيج بيه
...............نصير الجنابي

اوصيكم لولفي كون ترحوش
سهم مگفاه وسط اچلاي ترحوش
حشهن ونطوه بيه
نفس وموادعك ريه
يصاحب بيه مابيه
انه البيه ماموجود
عضم يدبچ عليه الدوود
وحگ الي هلك نمرود
بيه منل نحيب انواع
دمع وترس شليل الگاع
درت ويهك لوين ابساع
عليك الفكر صاير شبه ترحوش
خرابه وعشعشن بومات بيه
.
.....................نصير الجنابي

أخبرني شخلص من الليل وشتم
التهيت أحوي بورد وجناك وشتم
وعلي راح أبتدي بموتاي وشتم
أهلنا الما يجيبونك أليه
.
...................ابو السووم
.
افل انگاب موتي ليك وشتام
نحرك واحرگـ الشمات وشتام
شجنيت منل ليالي وياك وشتام
محاضن والتريده صار بيه
.
.................نصير الجنابي

سگاني منل لحظ مدري دواماي
سكرت وفرن ابعقلي دواماي
هم سامع گبل گلي دوا ماي
دويت وماي نشوة اشتعل بيه
.
...............................نصير الجنابي

طبول الحزن لمصابك يدفان

بسبب لسموم بالهامه يدفان

ريض بالجسد هونك يدفان

لاتدفن علي ايتامه خطيه

.

........................نصير الجنابي

اجيت انعه بحزن روحي يم علي
واگلها انشطرت الكعبه يم علي
ابمصابك ياعلي الليله يمع لي
الحزن وستاحشت اليتام هيه
.
....................نصير الجنابي

شـجـاوب والـوكـت بالـهـام طـرفاي
گـصـيـره ومـاتـنـوش الـفـرح طرفاي
بعيني وچن شبه مشحوف طرفاي
بـعـيـد الله ويـحـدر ايـتـام بـيـه
.
..............نصير الجنابي

افتلن ببتوت گلبي يام كرهن

اشكثر مرات حبّن يام كرهن

يهاب ابليس منهن يامكرهن

يشنن بالثدايه اسموم حيه

.

..........................نصير الجنابي

اريد اگصد هلك لغروب ولعين
واگلهم مرمراني الطول ولعين
لهو ردفين وبممشاه ولعين
نار وشب خضار الروح بيه
.
..................نصير الجنابي

ضعن ولفي السره بهندس ويعداي
عضيدي تشمت ابحالي ويعداي
كلب نده 
العمر عده
يخايب طالت المده
ادك علناي 
انطرك جاي
ملت روحي من دنياي
نضر عميان
العكل ولهان
اعزف طور يم طرشان
يشك الثوب 
كلبي ايلوب
لو شم ريحة المحبوب
ابوسط روحي الولف ناره ويعداي
منهدهه وشمت العطاب بيه
.
.
.....................................بقلمي نصير الجنابي

محمد النصراوي
مهي ساعة دليلي ونته لادم
لغيرك ماي دمعي ونته لادم
أبو الوادم عرفت آدم ونته لادم
أبو عرفتك يحماي الحمية
.
حسيب الغزي
ابو الحسنين اريد انعاك ورثي
واگل النار بيه النار ورثي
اريدن كون يا مولاي ورثي
تحطني خويدم لولد الزچيه
.
نصير الجنابي
اجيت انعه بحزن روحي يم علي
واگلها انشطرت الكعبه يم علي
ابمصابك ياعلي الليله يمعلي
الحزن وستاحشت اليتام هيه
.
سيد زاهر الموسوي
 اختنك والكون رمشه دمعلينه
بهضم والحزن منه دمعلينه
اعتله و?ح المجره دمعلينه
الشمس نادت يحيدر كون بيه
.
مالك الناصري
الگلب فز من مچانه وسبب فزته
مصابك والحزن حده الك فزته
هنيئا يا ابا الحسنين فزته
ورب الكعبه دنيه وآخريه
.
الشاعر موسى الموسوي
 قال رسول الله صلى الله عليه وسلم
((ضربت علي بالخندق تساوي عبادة الثقلين))
.
اشلون اليوم صاكرهم طبر هام
اذكره الجان بالخندق طبر هام
ابجفه وعمر ابن ودهم طبر هام
وطبر مرحب علي حامي الحميه
.
فاضل الميالي
 علي شخص النبي ونفسه ... وراية
وعلي درع النبي وسيفه ... وراية
وبحيدر علي نزلت آية ... وراية
علي الكرار حماي الحمية
.
الشاعر ابو الحسن البهادلي
 صفات الكرم من حيدر والافضال
وياهو المن علي احسن والافضل
بسيفه الف طيحهم الف ضل
حدر الباب خلاهم رميه

اضع بين ايديكم مشاركه شعريه بدأها الشاعر مالك البطلي وانهاها ابو اكرم الكريزي 
.
مالك الشاعر البطلي 
مثل شمعه العمر بچفاك ويذيب 
ومواگد علي دهري ايجيب ويذيب 
سريت انه واخوي بليل ويذيب
ابحماده وسرحن ذيبين بيه
.
مسلمم الحساني
من ابن أوى خذيت اطباع ..والذيب
وصوارمنه تحش هامات .. والذيب
عدانه هناك مثل النده .. والذيب
شما تثخن فلا منهه رجيه
.
رافد الاعرجي
على فگدك يسيل الدمع ويذيب
وهجرك بس يجيب الضيم ويذيب
عاشرت اﻻخو ياناس وي ذيب
تركني اﻻخو وذيب الحن عليه
.
نصير الجنابي
لوصلك عمري اطش ذاريه وشراس
عليك ..ومدري وسط الجفن وشراس
شكو منل ذيب بين الكون وشراس
اخوي اشرس طلع بالقاط ميه
.
حسن ابو الحديد
بطل شغل گلبي عليك..هارف..
تعال اولعد جرح جفاك..هارف..
شجاك اوياي صرت بساع..هارف..
برگ بلهندسه نابك عليه..
.
فاضل الميالي
عيوني بطيف رسمك ذاك .... سرحان
وسر حبك كشف للروح .... سرحان
تعرف كيف حالي وياك .... سرحان
وتنخت بيه ضبية شلون بيه
.
الشاعر عدنان الابراهيمي
چم صابر تعلم عضه مني
مجرب والكلايف عضمني
اخذ ذيب النوايب عضه مني
شحصل غير جلد الصبر بيه
.
محمد النصراوي
إسمك لو يمر أرتاح ويذيب
دليلي وينزع الأحزان ويذيب
ترضى لخادمك لو عاش وي ذيب
يظل كل عمره عايش بالتقية
.
مصطفئ الطائي
اعيوني بس عرج طولك شياها
العنيده الماهوت ناخت شياها
كراعي امجابل الهارف شياها
اخملت وتلاجن النيبان بيه
.
أبو اكرم الكريزي
الك ياما سوالف غبر غطيت
وطلعتك يوم طحت ابير غطيت
صرت ذيب وعليه بليل غطيت
وجزه المعروف اكلت ثنين اديه