اليه اويل صديج اعتاب ترحال

بسبب حبل الموده اليوم ترحال

يحالي وللرفاكه اصفيت ترحال

يوسف والذياب اهدعش هيه

.

......................نصير الجنابي

ذياب اجفاك وسط جلاي يرعين
الدمع مدري يكت ادموم يرعين
اير بموادعك حسرات يرعين
نفس ملكاك وشهكت موت بيه
.
.
..............................نصير الجنابي

بجفاك الشيب وصط الجفن ينبات
وعليك ابراسي نص الليل ينبات
لَوَكتي اصبحت ياهالناس ينبات
أعزبه والزفة خيمة كاوليه
.
نصير الجنابي

يروحي بطور داخل صبح وناش
كلبي وماينوش الصبر وناش
صرت فزاع والطاشوش وناش
بجالي وجن محط غربان بيه
.
نصير الجنابي

يفوني شما احس بيهن ويرحان
بروحي ولا يرح منك ويرحان
نثايه ايهبشن ابكلبي ويرحان
الك شيرن لهيب الشوك بيه
.
نصير الجنابي

روحي ابفركتك باخت وصلهه
وملج الموت جن كرب وصلهه
فرض هجرك علي واجب وصلهه
عليك وانحني عله الصار بيه
.
.
................................نصير الجنابي

العوز امركَ لعد داري يجلباي
مصايب والهموم امنان يجلباي
أبردني وشامتي بفرحه يجلباي
بثوبي وجفه يسحل ضيم يبه
.
.
...................................نصير الجنابي

يدهري ابتوت كلبي شلبجاهه
ودمع يعكوب عيني شلبجاهه
منيل عاذلي ابروحي شلبجاهه
مثلم والحصاد اهموم بيه
.
.
.....................................نصير الجنابي

شَون شَنحَب شَنوح بصوت شَبچاي
شَفل شَلضم شَخيط أشَگطع شَبچاي
شَشَب شَخمد شَطفي الگلب شب چاي
مـهـيــل والـشَــمـاتـه تـخــووط بـيــــه
.
............................نصير الجنابي

انفتك يود البيابي وكام يرماي
ثجيله وماتحمل امتون يرماي
يغصن الي سكيته صبح يرماي
بسلال اهموم احوشن بس اذيه
.
..........................نصير الجنابي

لوصلك عمري اطش ذاريه وشراس
عليك ..ومدري وسط الجفن وشراس
شكو منل ذيب بين الكون وشراس
اخوي اشرس طلع بالقاط ميه
.
....................نصير الجنابي